İspaniya La Liqasında V turun oyunları başa çatıb. Apasport.az saytının məlumatına görə, açılış matçında 2 görüş keçirilib.
Ötən tur səfərdə “Deportivo”nu darmadağın edən “Real” bu dəfə “Santiaqo Bernabeu”da “Elçi”ni saıağa çəkib.
"Kral klubu" bu dəfə qonaqları top atəşinə tutub - 5:1.
Gecənin digər oyununda isə “Selta” ilə “Deportivo” münasibətlərinə aydınlıq gətirib. Qarşılaşmada meydan sahibləri 2:1 hesabı ilə qələbəyə sevinib.
Ötən gün isə azarkeşlər “Malaqa” – “Barselona” qarşılaşmasına şahidlik edib. Matçda qalib müəyyənləşməyib - 0:0.
V turun son matç günündə “Espanyol” “Xetafe” ilə, “Valensiya” “Kordoba” ilə üz-üzə gəlib. Hər iki qarşılaşmada gülən tərəf meydan sahibləri olub.
Beləliklə, 5 oyundan sonra “Valensiya” xalını 13-ə çatdırıb və turnir cədvəlində liderliyi ələ keçirib. Eyni xala malik olan “Barselona” ilə “Seviliya” isə 2-3-cü pillələri bölüşürlər. Aktivinə 11 xal yazdıran “Atletiko” 4-cü, 9 xalla “Real” 5-ci yerə sahibdir.
İspaniya La Liqası
V tur
23 sentyabr (çərşənbə axşamı)
“Real” – “Elçe” – 5:1
Qollar: Beyl, 20, Ronaldo, 27-pen; 31; 80-pen; 90+2 - Albakar, 15
“Selta” – “Deportivo” - 2:1
Qollar: Nolito, 4, Larrivey, 72 - Kuenka, 55
24 sentyabr (çərşənbə)
“Almeriya” – “Atletiko” - 0:1
Qol: Miranda, 60
“Eybar” – “Vilyarreal” - 1:1
Qol: Arruabarrena, 8 - Moreno, 71
“Rayo Valyekano” – “Atletik” - 2:1
Qollar: Leo Baptistao, 39; 89 - Aduris, 21
“Qranada” – “Levante” - 0:1
Qol: Qarsia, 46
“Malaqa” – “Barselona” - 0:0
“Sevilya” – “Real Sosyedad” - 1:0
Qol: Deulofeu, 18
25 sentyabr (cümə axşamı)
“Espanyol” – “Xetafe” - 2:0
Qollar: Qarsia, 65, Stuani, 83
“Valensiya” – “Kordoba” - 3:0
Qol: Pako, 22, Qaya, 26, Fequli, 73
|