Türkiyə Superliqasında VI turun son qarşılaşmaları keçirilib. Apasport.az saytının məlumatına görə, son oyun günüdə azarkeşlər 2 görüşə şahidlik edib.

Bu matçların ikisi də heç-heçə ilə başa çatıb. Son 5 pillədə qərarlaşan autsayderlər sırasında yer alan “Ərciyəsspor”, “Rizəspor” və “Balıkesirspor” hərəyə 1 xal əldə edib. “Gənclərbirliyi”  isə autsayderlə ev oyununda 2 xal itirib.

Xatırladaq ki, turun ilk iki günündə 8 görüş baş tutmuşdu. “Konyaspor” evə “Başakşəhər”lə qolsuz bərabərliyə qalıb. “Qaziantepspor” isə “Karabükspor”u minimal hesabla məğlub edib – 1:0.

Turun mərkəzi oyunu İstanbulda baş tutub. Burada iki əzəli rəqiblər – “Qalatasaray”la “Fənərbaxça” üz-üzə gəlib. Fasiləyə qədər hesabı aça bilməyən komandalar ikinci yarıda fərqlənməyi bacarıblar.

88 dəqiqədə Uesli Sneyder “Cim-Bom”u hesabda önə çıxarıb. 3 dəqiqədən sonra Hollandiya millisinin üzvü fərqi 2 topa çatdırıb. Lakin oyuna əlavə edilmiş 5-ci dəqiqədə Alpər Potuk “Fənər”in matçda təsəlliverici qolunu vurub.

Bununla da “Qalatasaray” İstanbul derbisindən qalib ayrılıb - 2:1.

“Beşiktaş” evdə “Sivasspor”la üz-üzə gəlib. Bol qollu oyunda “qara qartallar” 3:2 hesabı ilə qələbəyə sevinib və turnir cədvəlində yenidən zirvəni ələ keçirib. “Akhisar” isə “Kasımpaşa”dan üstün olub – 2:0.

Türkiyə Superliqası

VI tur

18 oktyabr

“Konyaspor” – "Başakşəhər” - 0:0

“Qaziantepspor” – “Karabükspor” - 1:0

Qol: Çiko, 29

“Qalatasaray” – “Fənərbaxça” - 2:1

Qollar: Sneyder, 88; 90+1 - Alpər, 90+5

19 oktyabr

“Bursaspor” – “Əskişəhərspor” - 2:2

Qollar: Bakambu, 32; 53 - Güçer, 80, Funes, 85

“Trabzonspor” – “Mersin İdmanyurdu” - 3:1

Qollar: Belkalem, 54, Medyani, 79, Kardoza, 86 - Delibalta, 71

“Beşiktaş” – “Sivasspor” - 3:2

Qollar: Demba Ba, 58; 65, Şahan, 79 - da Kosta, 40, Arslan, 74

“Akhisar” – “Kasımpaşa” - 2:0

Qollar: Dəmirok, 54-pen, Gekas, 70

20 oktyabr

“Gənclərbirliyi” – “Ərciyəsspor” – 0:0

“Rizəspor”- “Balıkesirspor” – 2:2

Qollar: Kaçar, 37, Holoşko, 89 – Santos, 16, Cebbi, 56