Avropa Voleybol Konfederasiyası (CEV) azərbaycanlı hakim Eldar Zülfüqarova növbəti təyinat göndərib. Apasport.az saytının məlumatına görə, həmyerlimiz Çempionlar Liqasının I turunda iş başında olacaq.

Zülfüqarov Novosibirskdə kişi voleybolçular arasında baş tutacaq “Lokomotiv” (Rusiya) – “Dinamo” (Rusiya) matçında ikinci hakim olacaq. O, dekabrın 7-nə təsadüf edəcək görüşdə belaruslu Yuri Bakunoviçə köməklik edəcək.