“Rəqibimiz çox güclü idi. Açığını deyim ki, “Qızıl set”də qalib gələcəyimizə inanmırdım”. Apasport.az saytının məlumatına görə, bunu Rumıniyanın “Ştiinta” klubunun baş məşqçisi Florin Qrapa deyib.

Təcrübəli mütəxəssis “Çelenc Cup”ın 1/16 final mərhələsinin “Azərreyl”lə cavab oyundan danışıb. O bildirib ki, 0:3 hesabı ilə uduzduqdan sonra “Qızıl set”də qalib gəlmələri yetirmələrinin əsl döyüşçü keyfiyyətlərini ortaya qoyması səbəbindən rəsmiləşib: “Xüsusilə həlledici hissəyə “Azərreyl” üstün başladı. 5:10 hesabı ilə geridə olarkən artıq inamımı itirmişdim. Lakin komandam toparlanmağı bacardı və sonadək döyüşərək gözəl oyun nümayiş etdirdi”.

Qeyd edək ki, “Qızıl set”də məğlub olan “Azərreyl” avrokubokla vidalaşıb.