Bakı. Elşən Məmmədov-APA-Sport. Yaxın vaxtlarda Azərbaycanda sualtı idmanla məşğul olanlar üçün klub açılacaq. Bu haqda «APA-Sport» agentliyinə Hava və Ekstremal İdman Növləri Federasiyasının vitse-prezidenti Tərlan Ramazanov məlumat verib. Onun sözlərinə görə, klubun yay aylarında havanın hərarətinin yüksəlməyə başladığı vaxtlarda istifadəyə verilməsi nəzərdə tutulub. Sualtı idman növünü inkişaf etdirmək məqsədilə kluba bu sahədə təcrübəli mütəxəssislər cəlb olunacaq. T.Ramazanov klubun fəaliyyətə başlamasından sonra ilk ölkə çempionatını keçirəcəklərini bildirib. Çempionatda dalğıc kimi özlərini sınamaq istəyənlər mübarizə aparacaqlar.

• Azərbaycan Üzgüçülük Federasiyasının İcraiyyə Komitəsinin tərkibi təsdiq edilib
• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib