Bakı. Elşən Məmmədov-APA-Sport. Azərbaycanın reqbi üzrə yığma komandası 2008-ci il Avropa çempionatının seçmə mərhələlərində iştirak edəcək. «APA-Sport» agentliyinin məlumatına görə, millimiz əvvəlcə Gürcüstanın paytaxtı Tiflisdə təşkil olunacaq qitə birinciliyinin IV seçmə mərhələsində qüvvəsini sınayacaq. İki gün davam edəcək turnirdə yığmamız Moldova, Ukrayna, Latviya və Yunanıstanla görüşəcək. Bundan sonra reqbiçilərimiz Rusiyanın paytaxtı Moskvaya yollanacaqlar. İyunun 28-də start götürəcək VII seçmə mərhələnin qarşılaşmalarında komandamızın rəqibləri Ukrayna, Rusiya, Norveç və Litva olacaq. Yarış iki gün davam edəcək.
Qeyd edək ki, cəmi 7 mərhələdən ibarət qitə birinciliyində ən yaxşı nəticə göstərən 11 ölkə millisi 12-13 iyulda Almaniyanın Hannover şəhərində keçiriləcək final mərhələsinə vəsiqə qazanacaq.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb