Bakı. Kənan Həsənov-APA-Sport. Azərbaycan boksçuları mayın sonunda Tayvanın paytaxtı Taypeydə AİBA prezidenti Çinq-Kuo Vunun şərəfinə təşkil olunacaq beynəlxalq turnirdə iştirak edəcəklər. Bu haqda “APA-Sport” agentliyinə Boks Federasiyasının prezidenti Ağacan Abıyev məlumat verib. Onun sözlərinə görə, bu yarışda ölkəmizi cəmi dörd boksçu təmsil edəcək. Tayvana Pekin olimpiadasına lisenziya qazanan Samir Məmmədov (51 kq) və Şahin İmranovla (57 kq) yanaşı, Emil Məhərrəmov (69 kq) və Famil Süleymanov (60 kq) ezam olunacaq. Hazırda bu boksçular Qazaxıstanın paytaxtı Astanada təlim məşq toplanışındadırlar. Təmsilçilərimiz yerli boksçular və bu günlərdə Astanaya gələn Koreya yığmasının üzvləri ilə hazırlıq keçir.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO