Bakı. Elşən Məmmədov – APA-Sport. “Yens Lemann Avropa çempionatından sonra Almaniya yığmasındakı çıxışlarını başa vurmalıdır”. “APA-Sport” agentliyinin məlumatına görə, bu sözləri Almaniyanın ən məşhur futbol xadimlərindən olan Frants Bekkenbauer deyib. Onun fikrincə, Almaniya millisinin 38 yaşlı qapıçısı öz ampluasında gənc həmkarlarının yolunu açmaq üçün yığmadakı çıxışlarını başa vurmalıdır. F.Bekkenbauer bu baxımdan, Avstriya və İsveçrədə keçirilən Avropa çempionatının əla fürsət olduğunu vurğulayıb: “Qitə birinciliyindən sonra yığma karyerasını başa vurması və gənc futbolçulara yol açması istiqamətində Yenslə söhbət edəcəyəm”.
Qeyd edək ki, Y.Lemann qitə birinciliyində Polşa ilə görüşdə Almaniya millisinin heyətində yer alıb. Komandası 2:0 hesabı ilə qələbə qazandığı görüşdə o, bəzi səhvlərə yol verib.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə