Bakı. Aqşin Əliyev - APA-Sport. “Biz Azərbaycanın regionlarında futzal klublarının yaradılması üçün məqsədyönlü tədbirlər həyata keçirəcəyik”. “APA-Sport” agentliyinin məlumatına görə, bu sözləri Azərbaycan Futzal Federasiyasının (AFF) yeni prezidenti Zaur Axundov deyib. Futzal üzrə ölkə çempionatının, kubok yarışının, həvəskar komandalar arasında turnirlərin təşkili ilə bağlı bu gün AFFA-nın mənzil-qərargahında keçirilən tədbirdə çıxış edən Z.Axundov gələcəkdə klub və milli komanda səviyyəsində beynəlxalq miqyasda uğur qazanmaq üçün səylərini əsirgəməyəcəyini bildirib. AFF rəhbəri vurğulayıb ki, bu idman növünün təbliğatının gücləndirilməsi məqsədilə ölkəmizdə beynəlxalq yarışlar təşkil ediləcək. Daha sonra Z.Axundov 2008/09 mövsümündə ölkə çempionatında mübarizə aparmaq istəyən komandaların iştirak ərizələrini avqustun 20-dək federasiyaya təqdim etmələrinin vacibliyini söyləyib.
Qeyd edək ki, arxada qalan 14 milli çempionatda əsasən Bakı klubları mübarizə aparıblar. Son ölkə birinciliyində Naxçıvan “Araz”ı və Sumqayıtın eyniadlı komandası oynasa da, bu klublar elə paytaxtımızda fəaliyyət göstəriblər.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə