Belqrad. Elşən Məmmədov - APA-Sport. Çempionlar Liqasının ikinci təsnifat mərhələsində Azərbaycan çempionu “İnter”in rəqibi olan Serbiyanın “Partizan” klubu turnirdən kənarlaşdırıla bilər. “APA-Sport” agentliyinin məlumatına görə, buna səbəb “Partizan” azarkeşlərinin Bosniya müharibəsi zamanı soyqırım və insanlara qarşı cinayətkarlıqda suçlanan, hazırda Beynəlxalq Haaqa Tribunalında mühakimə olunan serb Radovan Karaciçə dəstək vermələridir. Artıq UEFA tərəfindən Serbiya çempionlarına xəbərdarlıq məktubu ünvanlanıb.
“Partizan” klubu hələ ötən il UEFA kubokunun I təsnifat mərhələsində Bosniya və Herseqovinanın “Mostar” klubu ilə ilk oyun zamanı azarkeşlərinin törətdiyi çaxnaşma üzündən bir il müddətinə turnirdən diskvalifikasiya edilib. Lakin az sonra qitə futbol qurumu təkrar qarşılaşmada eyni halın baş verməməsi şərtilə çıxardığı qərarı geri götürüb. “İnter”lə “Partizan” arasında Bakıda keçirilmiş ilk görüş 1:1 hesablı heç-heçə ilə nəticələnib. Cavab oyunu avqustun 6-da Serbiyanın paytaxtı Belqradda baş tutmalıdır. Cütün qalibi III təsnifat mərhələsində “Fənərbaxça” (Türkiyə) - MTK (Macarıstan) cütünün qalibi ilə qarşılaşacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!