Bakı. Elşən Məmmədov – APA-Sport. Azərbaycan Güləş Federasiyasının (AGF) fəxri prezidenti, baş nazirin sabiq I müavini Abbas Abbasov 2008-ci il Pekin Yay Olimpiya Oyunlarına qatılacaq. Bu haqda “APA-Sport” agentliyinə Abbas Abbasovun oğlu, AGF-nin vitse-prezidenti, millət vəkili Aydın Abbasov məlumat verib. Onun sözlərinə görə, avqustun 7-dən Çinin paytaxtında olacaq AGF-nin fəxri prezidenti Pekin Olimpiadasında pəhləvanlarımızın çıxışlarını sonadək izləyəcək. Millət vəkili Abbas Abbasovun fəxri üzvü olduğu Beynəlxalq Güləş Federasiyaları Assosiasiyasının (FİLA) avqustun 10-da keçiriləcək Konqresinə də qatılacağını açıqlayıb: “Abbas müəllimin FİLA Konqresində çıxışı da nəzərdə tutulub. O, çıxışını güləşin gələcək inkişaf yolları üzərində quracaq, gənc pəhləvanlara məsləhətlərini verəcək”. AGF prezidenti, vergilər naziri Fazil Məmmədov isə avqustun 6-da Pekinə yollanacaq. O, avqustun 12-dən 21-dək döşək üzərinə çıxacaq sərbəst, yunan-Roma və qadın güləşi üzrə yığma komandalarımıza dəstək verəcək.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!