“Partizan”la öz meydanında 1:1 hesablı heç-heçə edən Azərbaycan çempionunun 69 yaşlı çalışdırıcısının sözlərinə görə, rəqibin səfərdə nisbətən zəif təsir bağışlaması arxayınçılığa əsas verməməlidir: “Partizan” rəqib meydanında ona lazım olan nəticəyə oynadı. İndi isə Serbiya çempionu evdə, çılğın azarkeşlərinin dəstəyi sayəsində çıxış edəcək. Bu mənada bizi Belqradda çətin sınaq gözləyir. Üstəlik, heyətimizdə problemlər var. Ancaq bütün bunlara baxmayaraq, səfərə nikbin, mübariz əhval-ruhiyyədə yollanırıq”. Bakıdakı matçda olduğu kimi, bir hücumçu ilə oynayacaq V.Xodukin ötən mövsümün bombardiri Xaqani Məmmədovu yenə ilk dəqiqələrdən meydana buraxmağı düşünür. İlk görüşlə müqayisədə əsas heyətdə böyük dəyişikliklər etmək fikrində olmayan “İnter”in baş məşqçisi üçüncü mərhələyə çıxmaq şansları haqda danışmaq istəməyib: “Məni ilk növbədə oyunun səviyyəsi düşündürür. Komandamız “Partizan”la Bakıdakı görüşün ikinci hissəsində necə baxımlı oynadı, çoxlu qol imkanları yaratdı. Səfər matçında oyun təşkilatçılığı, nizam-intizamından çox şey asılıdır. Düzgün oynamaqla bizə lazım olan qolu vurmağa çalışacağıq. Çempionlar Liqasında daha bir mərhələ adlamaq istəyirik və bunun reallaşmasına inamımız var. İstəyimizə çatmaq üçün sonadək mübarizə aparacağıq”.
Qeyd edək ki, “Partizan” – İnter” oyunu sabah Bakı vaxtilə 23:45-də başlayacaq.

• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib
• Azərbaycanlı məşqçi Hindistanda keçirilən düşərgədə iştirak edib
• Kros qaçışı üzrə Bakı şəhər payız çempionatı keçiriləcək