Bakı. Kənan Həsənov - APA-Sport. Azərbaycanın 20 yaşadək basketbolçu oğlanlardan ibarət milli komandası Rumıniyanın Tarqu Mures şəhərində təşkil olunan Avropa çempionatının B divizionunda uğursuz çıxışını davam etdirir. “APA-Sport” agentliyinin məlumatına görə, yarışın B qrupunda yer alan yığmamız ardıcıl dördüncü oyunda məğlubiyyətlə barışıb. Oqtay Ağayevin başçılıq etdiyi komandamız Almaniya (38:124), İsveç (44:100) və İrlandiyanın (51:80) ardından Çexiyaya da uduzub – 69:104. Bu nəticə ilə qrupda sonuncu yeri tutan komandamız 17-ci pillə uğrunda mübarizə aparmalı olacaq. Yığmamız bu mərhələdə digər qruplarda sonuncu olan Finlandiya və İsveçrə ilə qarşılaşacaq.
Qeyd edək ki, B divizionunda 4 qrupa səpələnməklə 19 komanda mübarizə aparır. Reqlamentə əsasən, yarışı ilk iki pillədə başa vuran yığmalar Avropa çempionatının nüfuzlu A divizionunda oynamaq hüququ qazanacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!