Bakı. Kənan Həsənov - APA-Sport. Türkiyənin Qaziantep şəhərində təşkil olunan 20 yaşadək şahmatçılar arasında dünya çempionatı davam edir. “APA-Sport” agentliyinin məlumatına görə, oğlanların birinciliyində ardıcıl dörd oyunda qalib gələrək liderliyi ələ keçirən Eltac Səfərli V turda məğlubiyyətlə üzləşib. Favoritlərdən Devid Houellə (İngiltərə) uduzaraq liderlik mövqeyini itirən həmyerlimiz bu gün növbəti oyununu rusiyalı İvan Popova qarşı keçirəcək. Digər təmsilçilərimizdən Rauf Məmmədov 3, Bəhruz Rzayevlə Vasif Durarbəyli 2,5, Orxan Abdulov 2 xal toplayıb. Qızların yarışında ən yaxşı göstəriciyə malik təmsilçilərimiz, liderlər qrupunda yer alan şahmatçılardan 1 xal geri qalan Xəyalə İsgəndərova ilə Nərmin Kazımovadır (hər ikisi 3,5 xal). Qadınlardan ibarət milli komandamızın üzvü Türkan Məmmədyarovanın hesabında 3 xal var. Avqustun 15-də başa çatacaq dünya çempionatının mükafatçıları 13 turun yekununa əsasən müəyyənləşəcək.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!