Pekin. Elşən Məmmədov - APA-Sport. Çinin paytaxtı Pekində Beynəlxalq Olimpiya Komitəsinin (İOC) Konqresi keçirilib. “APA-Sport” agentliyinin məlumatına görə, toplantıda Beynəlxalq Uşu Federasiyasının (İWUF) prezidenti Yu Zayqin İOC-un vitse-prezidenti seçilib. Bu münasibətlə İWUF-un baş katibi Van Siolin və Avropa Uşu Federasiyasının prezidenti Raymond Smit Azərbaycan Uşu Federasiyasına (AUF) təbrik məktubu göndəriblər. Öz növbəsində AUF-un prezidenti Azər Həsənsoy Yu Zayqini təbrik edib. A.Həsənsoy İOC rəhbərliyində baş verən bu dəyişikliyin uşu idman növünün dünyada daha da populyarlaşmasına təkan olacağına inandığını bildirib.
Qeyd edək ki, uşu 2016-cı il Yay Olimpiya Oyunlarının proqramına salınmağa namizəd növlər arasında göstərilir.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!