Bakı. Kənan Həsənov - APA-Sport. “Püşkün nəticəsini qənaətbəxş hesab etmək olar. Samir Məmmədovun mərakeşli rəqibini çətinlik çəkmədən məğlub edəcəyinə inanıram. Şahin İmranov isə Qalib Cəfərovla döyüşdə çox diqqətli olmalıdır. Fikrimcə, bu, bərabər səviyyəli iki boksçunun döyüşü olacaq. Onlar bir-birini yaxşı tanıyırlar. Şahin olimpiadaya əla hazırlaşıb. Onun ilk döyüşü qazanacağına inanıram”. Bu sözləri “APA-Sport” agentliyinə açıqlamasında Azərbaycan milli komandasının məşqçisi Əli İsmayılov söyləyib. Yığmanın sabiq kapitanı boksçuların Pekin Yay Olimpiya Oyunlarında medal qazanmaq şanslarının yüksək olduğunu qeyd edib: “Əlbəttə, püşkdən çox şey asılıdır. Amma boksçu ilk növbədə öz gücünə arxalanmalıdır. Samirlə Şahin vətənə medalla dönmək iqtidarındadırlar. Mən onların hər ikisinə inanıram”.

• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb