Pekin. Elşən Məmmədov – APA-Sport. Çinin paytaxtı Pekində start götürən XXIX Yay Olimpiya Oyunlarında əvvəlcədən elan olunduğu kimi 205 ölkə təmsilçisi mübarizə aparmayacaq. “APA-Sport” agentliyinin məlumatına görə, bu gün Beynəlxalq Olimpiya Komitəsi (İOC) Bruney Darüssəlamı iştirakçı ölkələr sırasından kənarlaşdırıb. İOC-un bəyanatında səbəb kimi Bruney Darussəlam Milli Olimpiya Komitəsinin (MOK) öz idmançılarını qeydiyyatdan keçirməməsi göstərilib. Ali Olimpiya qurumu baş verənlərdən təəssüflənərək, bütün məsuliyyəti Bruney Darussəlam MOK-un üzərinə qoyub: “Biz avqustun 8-də günortayadək Bruney Darussəlam idmançılarını yarışa buraxmağa çalışırdıq, lakin qarşı tərəf problemi aradan qaldırmaq üçün heç bir səy göstərmədiyindən, cəhdlərimiz boşa çıxdı”.
Beləliklə, Pekin Olimpiadasında 204 ölkə təmsil olunacaq.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!