“APA-Sport”un məlumatına görə, pnevmatik tapançadan 10 metrlik məsafədəki hədəfə atəş açma üzrə qadınların mübarizəsinə qatılan 25 yaşlı K. Emmons təsnifat mərhələsində 400 mümkün xalın hamısını yığaraq finala çıxıb. Final mərhələsində isə daha 103,5 xal toplayan çexiyalı atıcı yekun nəticədə 503,5 xalla I yer tutub. Karyerasında ilk dəfə Olimpiya çempionu adını qazanan K. Emmons həm də 2004-cü il Afina Olimpiadasında Du Linin (Çin) müəyyənləşdirdiyi 502 xallıq rekordu təzələyib. Lyubov Qalkina (Rusiya) 502,1 xalla gümüş, Snejana Peyçiç (Xorvatiya) isə 500,9 xalla bürünc medala sahib çıxıb.

Qeyd edək ki, Afina Olimpiadasında bürünc medal qazanmış K. Emmons 2002-ci ildə dünya, 2007-ci ildə isə Avropa çempionu olub. Bu il isə çexiyalı atıcı məhz Pekində keçirilmiş Dünya Kubokunun qızıl medalına yiyələnib.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!