Bakı. Kənan Həsənov - APA-Sport. Türkiyənin Qaziantep şəhərində təşkil olunan 20 yaşadək şahmatçılar arasında dünya çempionatı davam edir. “APA-Sport”un məlumatına görə, oğlanların birinciliyində növbəti qələbəsini qazanan Eltac Səfərli (5,5 xal) liderlər qrupunda qərarlaşan rəqiblərinə yaxınlaşıb. Ən yaxşı göstəriciyə malik həmyerlimizin növbəti rəqibi Erik Braun (Almaniya) olacaq. Digər təmsilçilərimizdən Rauf Məmmədov 4,5, Bəhruz Rzayev 4, Vasif Durarbəyli ilə Orxan Abdulov hərəyə 3 xal toplayıb. Qızların yarışında Türkan Məmmədyarova (5 xal) ən yaxşı göstəriciyə malik şahmatçımızdır. Milli komandamızın üzvünü liderlər qrupunda yer alan idmançılardan cəmi 1 xal ayırır. Nərmin Kazımova 4, Xəyalə İsgəndərova 3,5 xal toplayıb. Avqustun 15-də başa çatacaq dünya çempionatının mükafatçıları 13 turun yekununa əsasən müəyyənləşəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub