Azərbaycan cüdoçusu Elnur Məmmədli Pekin Olimpiadasına qələbə ilə başlayıb

11.08.2008 - 09:57

Ötən il keçirilmiş dünya çempionatının gümüş mükafatçısı olan E. Məmmədli görüşün 63-cü saniyəsində ippon fəndi işlədərək, rəqibini başı üzərindən tataminin kənarına tullayıb. Baş hakim əvvəlcə təmiz qələbəni qeydə almaq istəməyib. Lakin hakimlər kollegiyası epizodun təkrarına baxdıqdan sonra cüdoçumuzun bu fəndi tataminin xaricində işlətmədiyi qənaətinə gəliblər. Nəticədə E. Məmmədli qalib gələrək, növbəti mərhələyə çıxıb. Onun ikinci görüşü Konstantin Semyonova (Belarus) qarşı olacaq.