Bakı. Kənan Həsənov - APA-Sport. Noyabrın 7-də Qazaxıstanın Almatı şəhərində blits üzrə dünya çempionatı start götürəcək. “APA-Sport”un məlumatına görə, bu nüfuzlu yarışda Azərbaycan şahmatçısı Teymur Rəcəbov da iştirak edəcək.

Dördüncü dəfə təşkil olunacaq birinciliyə 14 qrossmeyster qatılacaq. Həmyerlimizin rəqibləri sırasında Aleksandr Morozeviç, Sergey Rublyovski, Pyotr Svidler, Aleksandr Qrişuk (hamısı Rusiya), Vasili İvançuk (Ukrayna), Boris Qelfand (İsrail), Yudit Polqar (Macarıstan), Vladislav Tkaçyov (Fransa), Leyner Dominqes (Kuba), Rafael Vahanyan (Ermənistan), Murtaz Kajqaleyev (Qazaxıstan), Qata Kamski (ABŞ) və Krişnan Şaşikiranın (Hindistan) yer alacağı dəqiqləşib.

Dairəvi sistemlə keçiriləcək dünya çempionatının mükafat fondu 350 min İsveçrə frankı həcmində müəyyənləşdirilib. Noyabrın 8-də başa çatacaq yarışın qalibinin qazancı 80 min frank təşkil edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub