Bakı. Aqşin Əliyev - APA-Sport. Sabah Bakı İdman Sarayında kişi və qadınlar arasında cüdo üzrə Dünya Kuboku start götürəcək. “APA-Sport”un məlumatına görə, turnirdə 13 ölkənin idmançıları mübarizə aparacaq.

Belə ki, Dünya Kubokuna Azərbaycan da daxil olmaqla, Türkiyə, Hollandiya, Rusiya, Polşa, Kanada, Çexiya, Gürcüstan, İsveçrə, Ukrayna, Yunanıstan, Litva və Xorvatiya komandaları qatılacaqlar. Turnirin püşkü bu gün axşam saatlarında atılacaq. İki gün davam edəcək yarışda görüşlər saat 10:00-da başlanacaq.

Dünya Kubokunun rəsmi açılış mərasimi sabah saat 17:00-da olacaq. Milli komandamız qarşıdakı turnirdə heç də əsas heyətlə iştirak etməyəcək. Baş məşqçi Ağayar Axundzadə XXIX Pekin Yay Olimpiya Oyunlarında mübarizə aparmış 6 cüdoçudan cəmi 2-sinin - Elxan Məmmədovla Kifayət Qasımovanın xidmətindən yararlanacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub