Bakı. Aqşin Əliyev - APA-Sport. Yaponiyanın paytaxtı Tokioda keçirilən qadın güləşçilərin dünya çempionatı başa çatıb. “APA-Sport”un məlumatına görə, yarışa 3 idmançı ilə qatılan Azərbaycan milli komandası 1 medal qazanıb. Həmyerlilərimizdən yalnız Elvira Mürsəlova fərqlənib.

59 kq çəki dərəcəsində qüvvəsini sınayan Elvira öncə braziliyalı Coys Silva, daha sonra ukraynalı Alla Çerkasovanı məğlub edib. Yarımfinalda isə güləşçimiz yerli idmançı Ayako Şudaya uduzub. Buna baxmayaraq, Mürsəlova növbəti görüşdə ABŞ təmsilçisi Dinra Riksə qalib gələrək, bürünc medala yiyələnib.

Digər idmançılarımız isə fəxri kürsüyə yüksəlməyi bacarmayıblar. Nadya Qradyuk (55 kq) ilk görüşdəcə uduzaraq, yarışla erkən vidalaşıb. Olesya Zamulaya (63 kq) gəlincə, yığmamızın belaruslu legioneri 5-ci yeri tutub.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub