Bakı. Mehman Süleymanov - APA-Sport. Rusiyanın “Avanqard” klubunun hokkeyçisi Aleksey Çerepanov dünyasını dəyişib. “APA-Sport”un məlumatına görə, “Vityaz”la oyundan sonra Moskva ətrafında xəstəxanaya gətirilən Aleksey gecə saatlarında vəfat edib. Görüşün gedişində ehtiyat oyunçular skamyasında huşunu itirən 19 yaşlı hokkeyçinin bir müddətdən sonra ürəyi dayanıb və o, reanimasiyaya aparılıb. Çerepanovu həyata qaytarmağa çalışan həkimlər ilk öncə istəyinə çatıblar. Ancaq bu yalnız iki dəqiqəlik olub və sonradan hokkeyçinin ürəyi birdəfəlik dayanıb.

1989-cu il yanvarın 15-də Rusiyanın Barnaul şəhərində anadan olan Aleksey Omsku təmsil edən “Avanqard”da ikinci mövsümünü keçirirdi. Debütantlar arasında məhsuldar ötürmələrinə görə məşhur hokkeyçi Pavel Burenin rekordunu qıran Çerepanov ötən il Rusiya yığmasının heyətində yeniyetmələr arasında dünya çempionatında gümüş mükafat qazanıb, bombardir kimi turnirin ən yaxşı hücumçusu elan olunub.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub