Bakı. Kənan Həsənov - APA-Sport. Almaniyanın Bonn şəhərində dünya şahmat tacı uğrunda ikinci oyun keçirilib. “APA-Sport”un məlumatına görə, yarış iştirakçıları - hazırkı dünya çempionu Vişvanatan Anandla (Hindistan) Vladimir Kramnik (Rusiya) yenə xal bölgüsünə razılaşıblar.

Anandın ağ fiqurlarla mübarizə apardığı oyunun 32-ci gedişində heç-heçə qeydə alınıb. Maraqlıdır ki, rəqiblər arasında baş tutan ilk partiya da 32 gedişdə “sülh”lə nəticələnmişdi. Növbəti qarşılaşma bu gün keçiriləcək.

Qeyd edək ki, yarışın mükafat fondu 1,5 milyon avroya bərabərdir. Reqlamentə əsasən, oktyabrın 31-dək davam edəcək 12 partiyada qalib müəyyənləşməyəcəyi təqdirdə, qrossmeysterlər noyabrın 2-də tay-breykdə qüvvələrini sınayacaqlar.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub