Bakı. Aqşin Əliyev - APA-Sport. Yunanıstanın Kallitea şəhərində təşkil olunan şahmat üzrə klublararası Avropa Kubokunda 3-cü turun oyunları başa çatıb. “APA-Sport”un məlumatına görə, hesabat turunda azərbaycanlı şahmatçılar Şəhriyar Məmmədyarov və Vüqar Həşimovun çıxış etdikləri komandalar, müvafiq olaraq “Alkaloid” (Makedoniya) və “Aşdod” (İsrail) qarşılaşıblar. Hər iki həmvətənimiz birinci taxtada yer aldığından məhz bir-birlərinə qarşı mübarizə aparıblar.

Şəhriyarla Vüqar heç-heçəyə razılaşıb. Yekun nəticə isə fərqli olub. “Aşdod” “Alkaloid”ə 4,5:1,5 hesabı ilə qalib. Digər şahmatçımız, Rusiya “Ural”ının lideri Teymur Rəcəbov isə istirahət edib. Onun komandası asanlıqla Bosniya və Herseqovinanın “Şiroki Briyeq” klubunu üstələyib - 5,5:0,5.

Üç turdan sonra “Ural” 6 xalla zirvədə qərarlaşıb. Liderdən 1 xal geri qalan “Aşdod” 11-ci sıradadır. Aktivində 3 xal olan “Alkaloid” isə 28-ci yeri tutur. Bu gün növbəti turda “Ural” “Mika”nı (Ermənistan), “Aşdod” “Tessaloniki”ni (Yunanıstan), “Alkaloid” “Bronsoy Skakforeninq”i (Danimarka) sınağa çəkəcək. 33 ölkədən 64 kollektivin yarışdığı Avropa Kuboku oktyabrın 24-də yekunlaşacaq.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub