Bakı. Kənan Həsənov - APA-Sport. Almaniyanın Bonn şəhərində dünya şahmat tacı uğrunda beşinci oyun keçirilib. “APA-Sport”un məlumatına görə, planetin ən güclüsü olmağa iddiaçılar - hazırkı dünya çempionu Vişvanatan Anandla (Hindistan) Vladimir Kramnikin (Rusiya) dueli gərgin mübarizəyə səhnə olub.

Ümumi hesabda geri olan Kramnik ağ fiqurlarla oynasa da, seçdiyi aqressiv taktika bəhrə verməyib. Şansını gözləyən “hind pələngi” rəqibini 35-ci gedişdə təslim olmağa məcbur edib. Bu Anandın qara fiqurlarla ikinci qələbəsi olub. Ümumi hesabda 2 xallıq (3,5:1,5) üstünlük qazanan hindistanlı qrossmeyster bu gün rəqibinə qarşı ağ fiqurlarla mübarizə aparacaq.

Oktyabrın 31-dək davam edəcək 12 partiyada qalib müəyyənləşməyəcəyi təqdirdə, qrossmeysterlər noyabrın 2-də tay-breykdə qüvvələrini sınayacaqlar.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub