Bakı. Kənan Həsənov - APA-Sport. Vişvanatan Anand ikinci dəfə dünya çempionu titulunu qazanmağa yaxındır. “APA-Sport”un məlumatına görə, hindistanlı qrossmeyster Almaniyanın Bonn şəhərində təşkil olunan şahmat tacı uğrunda altıncı oyunda da Vladimir Kramnikə (Rusiya) qalib gəlib.

Ağ fiqurlarla oynayan Anand rəqibinin müqavimətini 47-ci gedişdə qırmağa müvəffəq olub. Üçüncü qələbəsini rəsmiləşdirən “hind pələngi” ümumi hesabda nəzərəçarpan üstünlük (4,5:1,5) əldə edib. Tərəflər arasında növbəti görüş sabah baş tutacaq.

Mükafat fondu 1,5 milyon avro olan yarış oktyabrın 31-dək davam edəcək. 12 partiyada qalib müəyyənləşməyəcəyi təqdirdə, qrossmeysterlər noyabrın 2-də tay-breykdə qüvvələrini sınayacaqlar.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub