Bakı - APA-Sport. Almaniyanın Bonn şəhərində təşkil olunan şahmat tacı uğrunda görüşdə 9-cu oyun keçirilib. “APA-Sport”un məlumatına görə, fəxri mükafata Vişvanatan Anandla (Hindistan) Vladimir Kramnik (Rusiya) iddialıdır.

Şahmatçıların 9-cu görüşü də heç-heçə nəticələnib. Anandın ağ fiqurlarla oynadığı partiyada tərəflər 45-ci gedişdə “sülh” bağlayıblar. Beləliklə, hindistanlı şahmatçının üstünlüyü davam edir - 6:3. Anand qalan 3 oyunda yarım xal toplayacağı təqdirdə, şahmat tacına sahib çıxacaq.


Növbəti partiya sabah keçiriləcək. Bu dəfə Kramnik ağ fiqurlarla çıxış edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub