Bakı. Kənan Həsənov - APA-Sport. Almaniyanın Bonn şəhərində təşkil olunan dünya şahmat tacı uğrunda mübarizə Vişvanatan Anandın parlaq qələbəsi ilə başa çatıb. “APA-Sport”un məlumatına görə, hindistanlı qrossmeyster 11-ci görüşdə rusiyalı rəqibi Vladimir Kramniklə heç-heçə etməklə, dünya çempionu titulunu özündə saxlayıb.

Bu görüşdən əvvəl 6:4 hesabı ilə öndə olan Ananda çempion olmaq üçün yarım xal da kifayət edirdi. Ağ fiqurlarla oynayan “hind pələngi” rəqibinin müqavimətini qırmağı bacardı və qələbə şansının tükəndiyini görən Kramnik 24-cü gedişdə heç-heçəyə razılaşdı.

Beləliklə, reqlamentdə nəzərdə tutulan son görüşə ehtiyac qalmadı. 6.5:4.5 hesablı qələbə ilə Anand ardıcıl ikinci dəfə dünya şahmat tacına sahib çıxdı.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub