Bakı. Mehman Süleymanov - APA-Sport. Pekin Olimpiadasının qalibi olan çinli tennisçi Van Hao törətdiyi insidentlə özünü biabır edib. “APA-Sport”un məlumatına görə, 25 yaşlı idmançı tualetlə küçəni səhv salıb. Belə ki, vəziyyəti pisləşən Van tualet axtarmaq əvəzinə işini elə dayanacaqlardan birində görüb.

Bu isə dayanacaq gözətçisinin narazılığına səbəb olub. Olimpiya çempionuna irad bildirən həmin şəxs payını alıb. Hao gözətçini borclu çıxarıb: “Sənin nə ixtiyarın var ki, məni öyrədəsən? Mən olimpiya çempionuyam, bəs sən kimsən? Əgər sifətindən zərbə almaq istəyirsənsə, bunu təşkil edərəm”.

Ardınca gözətçi olimpiya çempionundan bir neçə zərbə alıb. Maraqlıdır ki, Van polis bölməsində də özünü təmizə çıxarıb. Ancaq Haonun bu təkidi nəticə verməyib. Məhkəmənin çıxardığı qərarla nüfuzlu idmançı həm xəsarət yetirdiyi adamdan üzr istəyib, həm də hərəkətinə görə 2000 yuan məbləğində (290 dollara yaxın) cərimə ödəyib.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub