Bakı. Kənan Həsənov - APA-Sport. Noyabrın 7-də Qazaxıstanın Almatı şəhərində start götürəcək blits üzrə dünya çempionatına qatılacaq şahmatçıların yekun siyahısı müəyyənləşib. “APA-Sport”un məlumatına görə, yarışa xüsusi dəvət olunan təmsilçilərimiz - Teymur Rəcəbovla Şəhriyar Məmmədyarov dünyanın ən tanınmış qrossmeysterlərini sınağa çəkəcəklər.

Belə ki, Almatıda 2006-cı və 2007-ci illərin çempionları Aleksandr Qrişukla (Rusiya) Vasili İvançuk (Ukrayna) çıxış edəcəklər. Dünya birinciliyində həmçinin, Aleksandr Morozeviç, Sergey Rublyovski, Pyotr Svidler (hamısı Rusiya), Boris Qelfand (İsrail), Yudit Polqar (Macarıstan), Vladislav Tkaçyov (Fransa), Lenyer Dominqes (Kuba), Rafael Vaqanyan (Ermənistan), Murtaz Kajqaleyev (Qazaxıstan), Qata Kamski (ABŞ), Bassem Amin (Misir) və Krişnan Şaşikiranın (Hindistan) da qatılacağı tam dəqiqləşib.

Dairəvi sistemlə keçiriləcək dünya çempionatının mükafat fondu 350 min İsveçrə frankına bərabərdir. Noyabrın 8-də başa çatacaq yarışın qalibinin qazancı 80 min frank təşkil edəcək.

• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub