Bakı. Aqşin Əliyev - APA-Sport. Türkiyənin Konya şəhərində taekvondo üzrə komandalararası Avropa çempionatı keçirilib. “APA-Sport”un məlumatına görə, Azərbaycan yığması yalnız kişilərin yarışında mübarizə aparıb. Ancaq Elnur Amanov (58 kq), Rövşən Məmmədov (68 kq), Ramin Əzizov (80 kq) və Təvəkkül Bayramovdan (+80 kq) ibarət milli komandamız mükafatçılar sırasına düşə bilməyib.

Püşkün nəticəsinə əsasən, Ələkbər İmaməliyevin rəhbərlik etdiyi kollektiv Belarus və Avstriya ilə birgə C qrupunda yer alıb. Hər iki rəqibinə 4:0 hesabı ilə qalib gələn yığmamız 1/4 finala qrup lideri qismində vəsiqə qazanıb. Bu mərhələdə isə taekvondoçularımızın qarşısını almaniyalı həmkarları kəsib. Milli komandamız 1:3 hesabı ilə uduzduğundan, çempionatla erkən vidalaşıb. Həm kişilərin, həm də qadınların turnirində qızıl medallara Türkiyə sahib çıxıb.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib