Xorvatiyanın Osyek şəhərində Avropa Atıcılıq İdmanı Konfederasiyasının (ESC) hesabat-seçki konfransı keçirilib. Tədbirə qatılmış Azərbaycan Atıcılıq İdmanı Federasiyasının vitse-prezidenti Rasim Rzayevin apasport.az saytına verdiyi məlumata görə, ESC-yə yeni prezident seçilib. Bundan sonra quruma rusiyalı Vladimir Lisin rəhbərlik edəcək.

Rasim Rzayev hesabat-seçki konfransının ardından Lisinlə görüşüb: “Biz müxtəlif məsələlər barədə söhbətləşdik. Lisin Azərbaycanın güllə atıcılarına əlindən gələn köməyi göstərəcəyini bildirdi”.

Həmçinin, Rzayev gələcəkdə ölkəmizdə beynəlxalq yarışlarının təşkil olunacağını da istisna etmədi. Hesabat-seçki konfransından sonra Avropa çempionatı başlanılıb. Yarış start götürsə də, 2 güllə, 4 stend atıcımız hələlik mübarizəyə qoşulmayıb. Qitə çempionatı iyulun 25-dək davam edəcək.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!