Serbiyanın Zrenyanin şəhərində yeniyetmə güləşçilərin Avropa birinciliyinə yekun vurulub. Apasport.az saytının məlumatına görə, son 2 gündə yunan-roma güləşçiləri öz aralarında ən güclüləri müəyyənləşdiriblər.

Bəhram Mürvətovun başçılıq etdiyi komandamızın 2 üzvü fəxri kürsün ən yüksək pilləsinə qalxıb. 42 kq çəki dərəcəsində Elman Muxtarov keçirdiyi 4 görüşün hamısını qələbə ilə başa vurub və Avropa çempionu olub.

50 kq çəkidə yarışan Eldəniz Əzizli də uğurla çıxış edib. Ardıcıl 5 qarşılaşmada qalib gələn Elədniz də qızıl medala layiq görülüb. Onun xüsusilə yarımfinalda Ermənistan təmsilçisi üzərindəki qələbəsi yaddaqalan olub.

Beləliklə, Azərbaycan yunan-roma növündə Avropa birinciliyini 2 qızıl medalla başa vurub. Komanda hesabında ölkəmiz 31 yığma arasında 4-cü olub.

• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!