Kişilərdən ibarət sərbəst güləş və qadın güləşi üzrə Azərbaycan milli komandaları Polşanın paytaxtı Varşavada keçiriləcək beynəlxalq turnirlərə qatılacaqlar. Azərbaycan Güləş Federasiyasının mətbuat xidmətindən apasport.az saytına verilən məlumatına görə, sayca 18-ci “Ziolkovski” yarışında 5 kişi pəhləvanımız qüvvəsini sınayacaq. Döşək üzərinə Xaybulla Şaalov (60 kq), Əşrəf Əliyev (74 kq), Şərif Şərifov, Novruz Temrezov (hər ikisi 84 kq) və Maksim Proxorov (120 kq) çıxacaq.

Qadın güləşçilərimiz mübarizə aparacağı turnir isə “Varşava Kuboku” adlanır. 13-cü dəfə təşkil olunacaq yarışda Mariya Stadnik (48 kq), Yuliya Radkeviç (55 kq), Elvira Mürsəlova (59 kq), Olesya Zamula (63 kq) və Dina İvanova (72 kq) bacarığını nümayiş etdirəcək.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə