Macarıstanın paytaxtı Budapeştdə təşkil olunan yeniyetmə cüdoçuların dünya çempionatı davam edir. Apasport.az saytının məlumatına görə, yarışa 9 idmançı ilə qatılan Azərbaycan milli komandası artıq iki medal qazanıb.

Ceyhun Qatayevin (55 kq) ardından Cəlil Cəlilov (66 kq) da yalnız finalda uduzaraq, gümüş medala layiq görülüb. 50 kq çəki dərəcəsində mübarizə aparan Kamran Bağırov (50 kq) mükafatçılar sırasında düşməyə yaxın olsa da, 5-ci yerlə kifayətlənib. Mahir Cəfərli (60 kq) isə uğursuzluğa düçar olub.

Xanım cüdoçularımıza gəlincə, onlar etimadı doğrultmayıblar. Həm Aişə Qurbanlı (48 kq), həm də Şəfəq Muradzadə (52 kq) mübarizəni erkən dayandırıblar.

Yığmamızın 3 üzvü hələlik tatami üzərinə çıxmayıb. Bunlar Ruslan Fərruxzadə (73 kq), Andrey Fətiyev (90 kq) və Xanım Hüseynovadır (63 kq). Dünya birinciliyinə sabah yekun vurulacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə