Azərbaycan Respublikası Gənclər və İdman Nazirliyi və Azərbaycan Şahmat Federasiyasının (AŞF) təşkilatçılığı ilə Astara şəhərində kişilər və qadınlar arasında ölkə çempionatının seçmə yarışları start götürüb. AŞF-nin mətbuat xidmətindən apasport.az saytına verilən məlumata görə, İsveçrə sistemi ilə keçirilən və 9 turdan ibarət turnirə respublikamızın 20-dək şəhər və rayonundan 51 şahmatçı (37 kişi, 14 qadın) qatılıb.

Seçmə yarışlar avqustun 17-də yekunlaşacaq. Nəticədə qadınların turnirdə ilk iki yeri tutmuş şahmatçılar 2010-cu ilin yanvarında baş tutacaq Azərbaycan çempionatının final mərhələsinə vəsiqə qazanacaqlar. Kişilərin mübarizəsində isə ilk “beşlik”də qərarlaşan şahmatçılar noyabrda gerçəkləşəcək ölkə çempionatının I dəstəsində iştirak hüququna yiyələnəcəklər.

Qaliblərə Gənclər və İdman Nazirliyinin diplomları, həmçinin AŞF-nin hədiyyələri təqdim olunacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə