Koreyadan Gəncəyə 4 gənc taekvondo məşqçisi gəlib. Bu haqda APA-nın qərb bürosuna Azərbaycan Taekvondo Federasiyasının (ATF) Gəncə Regional Nümayəndəliyinin direktoru Sahib Rzayev məlumat verib. Koreyalı məşqçilər Gəncə Olimpiya İdman Kompleksinin böyük zalında region idmançıları üçün təlimlər keçirlər.

Rzayev bildirib ki, ATF-nin dəstəyi ilə təşkil olunan təlimlərdə məqsəd bu idman növü üzrə yeni metodların öyrənilməsi, təcrübə mübadiləsi aparmaq, yarış qaydaları və ədalətli hakimlik prinsiplərinin öyrənilməsindən ibarətdir. Belə təlimlər ölkəmizin olimpiya növləri üzrə təlim və yarışlara ev sahibliyi etmək hüququ ilə əlaqədar təşkil olunur.

Təlimlər bu həftənin sonunadək davam edəcək. Bundan sonra əcnəbi məşqçilər Azərbaycandan 15 taekvondoçunu özləri ilə Koreyaya aparacaqlar. Bu taekvondoçulardan 5-nin Gəncədən seçilməsi nəzərdə tutulub. Həmin idmançılar Koreyada 6 aylıq təlimlərə qatılacaqlar.

• Beynəlxalq yarışda ölkəmizi təmsil edəcək triatlonçular bəlli olub
• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında