Məşhur promouter Əhməd Önər dünən Almaniyanın Hamburq şəhərində güllələnib. Apasport.az saytının məlumatına görə, Əhməd almaniyalı həmkarları ilə danışıqlardan sonra binadan çıxarkən, qəflətən iki şəxs ona atəş açıb. Güllələrdən biri promouterin sol ayağına dəyib. Lakin o, binaya qaçıb, polis çağırmağa müvəffəq olub. Elə bu vaxt cinayətkarlar hadisə yerindən qaçıblar.

Bir neçə saatdan sonra Önər yerli xəstəxanalardan birində cərrahiyyə əməliyyatına məruz qalıb. Əməliyyat nəticəsində onun ayağından gülləni çıxarmaq mümkün olub. Əhməd əməliyyatdan sonra jurnalistlərlə söhbətində ona qarşı hücumun planlaşdırılmış olduğunu söyləyib.

“İndi özümü yaxşı hiss edirəm. Hücum haqqında onu deyə bilərəm ki, uğur olan yerdə, paxıllıq da var. Fikrimcə, bu, mənim rəqiblərim tərəfindən planlaşdırılmışdı. Əvvəllər də mənə hücum ediblər. Lakin ilk dəfə idi ki, məni güdürdülər və qaranlıqdan atəş açırdılar. Buna baxmayaraq, nəzərdə tutduğum bütün işləri həyata keçirəcəyimi bəyan edirəm” - deyə promouter vurğulayıb.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə