Qadın otüstü hokkeyçilərdən ibarət Azərbaycan yığmasının Avropa çempionatında uğursuzluğu davam edir. Apasport.az saytının məlumatına görə, Hollandiyanın paytaxtı Amsterdamda keçirilən qitə birinciliyində həmyerlilərimiz növbəti dəfə uduzublar. Milli komandamız 5-8-ci yerlər uğrunda görüşdə İrlandiyaya məğlub olub - 1:2.

Hesabı 24-cü dəqiqədə Nikola Simmons açıb. Fasilədən sonra, daha dəqiqi 49-cu dəqiqədə yığmamızın koreyalı legioneri Çun Məmmədova tarazlığı bərpa edib. Qarşılaşmanın bitməsinə 8 dəqiqə qalmış irlandlar qələbə topunu vurmağa müvəffəq olublar. Baş məşqçi Joa Xanqın yetirmələri sabah Şotlandiyanı sınağa çəkəcək. Bu oyunda da uğursuzluq komandamızın Avropa çempionatının ən yüksək dəstəsi ilə vidalaşmasına səbəb olacaq.

Qeyd edək ki, yığmamız qrup mərhələsində Hollandiyaya 0:10, İngiltərəyə isə 1:4 hesabı ilə uduzub. Rusiyalılarla qarşılaşma 1:1 nəticələnmişdi.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə