Bu gün Azərbaycanın daha bir cüdoçusu Elxan Məmmədov (90 kq) Hollandiyanın Rotterdam şəhərində keçirilən dünya çempionatında mübarizəyə qoşulub. Apasport.az saytının məlumatına görə, kişilərdən ibarət yığmamızın heyətində yarışa qatılan ən titullu idmançımız ümidləri doğrultmayıb.

Hərçənd, çempionatın startı Elxan üçün uğurlu alınıb. Avropa çempionatının gümüş mükafatçısı ilk mərhələdə Tomislav Vuçakı (Xorvatiya) 5 saniyəyə ippon fəndinə salaraq, “təmiz qələbə” qazanıb. Lakin bu uğurun davamı gəlməyib. Məmmədov 1/16 finalda mərakeşli Məhəmməd Əl-Əssriyə uduzub. 1/4 finaldan tez məğlubiyyətlə üzləşən Elxan qaydalara görə, təsəlliverici mərhələyə qatılmaq hüququndan da məhrum olub və Hollandiyada əliboş qalıb.

Qeyd edək ki, dünya çempionatında indiyədək qüvvəsini sınayan 4 cüdoçumuzdan yalnız biri fəxri kürsüyə yüksələ bilib. Bu, bürünc medala layiq görülmüş Kifayət Qasımovadır (57 kq). Digər təmsilçilərimiz - Sərxan Əhmədov (66 kq), Elçin Qasımov (73 kq) və Ramin Qurbanov (81 kq) isə mükafatçılar arasına düşməyi bacarmayıblar.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə