Atletika üzrə olimpiya və dünya çempionu Useyn Bolt Madridin “Real” klubundan gələn təklifə məsbət cavab verib. Apasport.az saytının məlumatına görə, “kral klubun”nun rəhbərliyi 23 yaşlı yamaykalı idmançını İspaniya paytaxtına dəvət edib. Dünyanın ən sürətli insanı bu gün “Santyaqu Bernabeu” stadionunda oynanılacaq “Real” - “Deportivo” matçını izləyəcək.

Dünən İsveçrədə keçirilən “Qızıl liqa”nın 5-ci mərhələsində 100 metr məsafəyə qaçışda qızıl medal qazanan Bolt artıq Madridə yollanıb. Primeronun açılış turunu azarkeşlər üçün yaddaqalan etməyə çalışan “Real” rəhbərliyi məhz Boltun sayəsində fanatlara zövqlü anlar yaşatmaq istəyir. Buna görə də, topa ilk toxunmaq vəzifəsi Useynə tapşırılıb. Onun simvolik zərbəsindən sonra isə madridlilər 2009/10 mövsümünə start verəcəklər.

“Deportivo” ilə görüş daha bir məqamla “Real” azarkeşlərinin maraq dairəsindədir. Bu gün Kriştianu Ronaldo və Kaka kimi ulduzlar “kral klubu”nda ilk rəsmi matçlarına çıxacaqlar.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib