Azərbaycanın taekvondo üzrə yığma komandası Koreyanın açıq çempionatının mükafatını qazanıb. Apasport.az saytının məlumatına görə, 1994-1996-cı il təvəllüdlü idmançıların yarışında İmran Zalov (57 kq) bütün döyüşlərini qələbə ilə başa vuraraq, birinci yeri tutub. O, finalda rusiyalı Maqomed Özdəmirovu təslim edib. Bundan əlavə, Zalov turnir çərçivəsində keçirilmiş “Çempionların döyüşü” yarışında da uğurla çıxış edərək, qızıl medala layiq görülüb.

Qızların yarışında Fəridə Əzizova (52 kq) çempion olub. O, Meksika, İran və Rusiya idmançılarına qalib gəlib. Digər idmançılarımızdan İlkin Şahbazov (74 kq) gümüş, Aydın Bəhmənov (78 kq) isə bürünc medala sahib çıxıblar.

• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə
• Kapoeyraçılarımız Tallində altı medal qazanıblar