Fransalı beynəlxalq qrossmeyster Vladislav Tkaçev Hindistanda keçirilən turnirdə sərxoş olub. Apasport.az saytının məlumatına görə, yerli şahmatçı Pravin Kumarla görüşə dəm halda gələn Vladislav elə stol arxasında - 11 gedişdə yuxuya gedərək, növbəti gedişini buraxıb.

Tkaçev o dərəcədə sərxoş olub ki, kresloda çətinliklə otura bilirmiş. O, bir neçə gedişdən sonra mürgüləyərək, başını stolun üstünə qoyub. Turnirin təşkilatçılar fransızı ayıltmağa cəhd etsələr də, bu, uğursuz olub. Oyun başlayandan yarım saat sonra Tkaçevə texniki məğlubiyyət verilib. Təşkilatçılardan xəbərdarlıq alan Vladislav cəzalanmayacaq və çıxışını davam etdirəcək.

Qeyd edək ki, Fransanın aparıcı şahmatçılarından olan Tkaçev FİDE-nin bu ay üçün reytinqində 58-ci yerdə gedir. O, bir müddət əvvəl Bakıda da olub və şahmatçımız Vüqar Həşimovla blits-partiyada qüvvəsini sınayıb.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib