Bu gün Kopenhagendə Dünya Taekvondo Federasiyasının ümumi toplantısı keçirilib. Azərbaycan Taekvondo Federasiyasının mətbuat xidmətindən APA-ya verilən məlumata görə, bu, federasiyanın sayca 29-cu toplantısı olub.

Toplantı çərçivəsində növbəti 4 il müddəti üçün Dünya Taekvondo Federasiyasının rəhbərliyinə seçkilər də keçirilib.

Çunqvon Co növbəti 4 il müddətinə Dünya Taekvondo Federasiyasının prezidenti seçilib.

Daha üç nəfər isə vitse-prezident seçilib. Federasiyanın vitse-prezidentliyinə Misir, İtaliya, Azərbaycan, Avstrya və Böyük Britaniya nümayəndələrinin namizədliyi olub.

Namizədlər arasından olan Azərbaycan Taekvondo Federasiyasının prezidenti Kəmaləddin Heydərov növbəti dörd il müddətinə Dünya Taekvondo Federasiyanın vitse-prezidenti seçilib.

Digər iki vitse-prezident yerini isə Misir nümayəndəsi Əhməd Foli ilə İtaliyanı təmsil edən Sun Caepark tutub.

Qeyd edək ki, K. Heydərov bundan əvvəlki dönəmdə də Dünya Taekvondo Federasiyasının vitse-prezidenti olub.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb