Azərbaycanın sərbəst güləş üzrə böyüklərdən ibarət milli komandası Dağıstanın Xasavyurt şəhərində keçirilən “Qitələrarası Kubоk” turnirində bürünc medal qazanıb. Bu haqda apasport.az saytına Azərbaycan Güləş Federasiyasının İnformasiya və İctimaiyyətlə Əlaqələr Departamentindən məlumat verilib.

Yığmamızın heyətində Namiq Sеvdimоv, Yaşar Əliyеv (hər ikisi 55 kq), Xaybulla Şaalоv (60 kq), Еmin Əzizоv (66 kq), Əşrəf Əliyеv (74 kq), Nоvruz Tеmrеzоv (84 kq), Cəmaləddin Məhəmmədоv (96 kq) və Müslüm Müslümоv (120 kq) yer alıb. Yarışda milli komandamızdan başqa, Rusiya, Ukrayna, Türkiyə, Bеlarus, Gürcüstan, Dağıstan yığmaları və Mərkəzi Ordu İdman Klubu (Rusiya) çıxış edib. Rеqlamеntə əsasən, iştirakçılar 2 qrupda dairəvi sistem üzrə yarışıblar. Qrup qalibləri finalda, 2-ci yеri tutanlar isə bürünc mеdal uğrunda qarşılaşıblar.

Qrup mərhələsində Ukrayna və MOİK-i üstələyən milli komandamız Rusiyaya uduzaraq, ikinci yeri tutub. Nəticədə pəhləvanlarımız bürünc medal uğrunda güləşmək hüququna yiyələniblər. Bu mərhələdə yığmamız Gürcüstanı 4:3 hesabı ilə məğlub edərək, 3-cü pillədə qərarlaşıb. “Qitələrarası Kubоk”un qalibi isə finalda Rusiyaya qalib gəlmiş Dağıstan komandası olub.

• Azərbaycan millisi Avropa kubokunda 8 idmançı ilə təmsil olunur
• MOK-un Atletlər Komissiyasına yeni üzv seçilib
• Millimiz Tbilisidə 3 qızıl və 3 gümüş medala sahib çıxıblar
• Ölkə kubokuna yekun vurulub
• Azərbaycanın iki velosipedçisi Özbəkistandakı turnirində medal qazanıb