Azərbaycanın qadın şahmatçılardan ibarət yığmasını Serbiyanın Novi Sad şəhərində keçirilən 17-ci Avropa çempionatında bu gün ciddi sınaq gözləyir. Apasport.az saytının məlumatına görə, ilk 4 turda məğlubiyyətin nə olduğunu bilməyən xanımlarımız V turda Ermənistan təmsilçilərini sınağa çəkirlər. Bədnam qonşularımızla görüş Bakı vaxtı ilə saat 18:00-da başlanıb.

Qadın şahmatçılarımız son turda Rumıniyanı məğlub ediblər. Hazırda yığmamız 7 xalla ikinci yeri tutur. Ardıcıl 4-cü qələbəsinə sevinən kişilərimizin növbəti “qurban”ı isə İsrail olub. Kişilərdən ibarət komandamız bu gün zirvəni bölüşdüyü Gürcüstanla qüvvəsini sınayacaq.

V tur

Kişilər
Gürcüstan - Azərbaycan - 1,5:2,5
1. Baadur Jobava (2696) - Teymur Rəcəbov (2757) - 1:0
2. Mixeil Mxedlişvili (2613) - Vüqar Həşimov (2740) - 0:1
3. Levan Pantsulaya (2600) - Qədir Hüseynov (2667) - 0:1
4. Tornike Sanikidze (2600) - Şəhriyar Məmmədyarov (2721) - 0,5:0,5
Yığmamıza ilk xalı üçüncü lövhədə Qədir Hüseynov qazandırıb. O, qara fiqurlarla 35-ci gedişdə rəqibini təslim olmağa məcbur edib.
Birinci lövhədə çıxış edən Rəcəbov Gürcüstan yığmasının liderinə uduzub. Əvəzində Həşimov ikinci lövhədə qələbə qazanıb. Məmmədyarovun heç-heçəsindən sonra isə milli komandamız qonşu ölkə şahmatçıları üzərində qələbə qazanıb.


Qadınlar
Ermənistan - Azərbaycan - 2:2
1. Elina Danielyan (2489) - Zeynəb Məmmədyarova (2285) - 0,5:0,5
2. Lilit Mkrtçyan (2469) - Nərmin Kazımova (2228) - 0,5:0,5
3. Nelli Aqiniyan (2307) - Türkan Məmmədyarova (2233) - 0,5:0,5
4. Siranuş Andrasyan (2234) - Xəyalə İsgəndərova (2212) - 0,5:0,5
Şahmatçılarımızın ermənilərə üç görüşü yekunlaşır. Hər üç görüşdə tərəflər xalları bölüb. Qarşılaşmanım taleyi üçüncü lövhədə keçirilən oyun başa çatdıqdan sonra müəyyənləşib. Burada da heç-heçə qeydə alındığından Ermənistan - Azərbaycan qarşıdurmasında qalib bəlli olmayıb.

IV tur

Kişilər
Azərbaycan – İsrail - 2,5:1,5
1. Teymur Rəcəbov (2757) - Emil Sutovski (2676) - 0,5:0,5
2. Vüqar Həşimov (2740) - Maykl Roiz (2658) - 1:0
3. Qədir Hüseynov (2667) - Viktor Mixalevski (2625) - 0:1
4. Şəhriyar Məmmədyarov (2721) - Yevgeni Postni (2651) - 1:0

Qadınlar
Azərbaycan – Rumıniya - 3,5:0,5
1. Zeynəb Məmmədyarova (2285) - Luminita-Yelena Kosma (2331) - 1:0
2. Türkan Məmmədyarova (2233) - İzabela-Korina Peptan (2387) - 1:0
3. Xəyalə İsgəndərova (2212) - Mixaela Sandu (2270) - 1:0
4. Gülnar Məmmədova (2209) - Alina Motoç (2316) - 0,5:0,5

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO