Türkiyənin Bursa şəhərində təşkil olunan şahmat üzrə komandalararası dünya çempionatında bu gün VII turun oyunları keçirilib. Apasport.az saytının məlumatına görə, Azərbaycan yığması autsayder Braziliyanı sınağa çəkib. Komandamızın heyətində ən ciddi dəyişiklik Vüqar Həşimovla bağlı olub. İlk 6 turda birinci taxtada oynamış Vüqar bu dəfə ehtiyatda qalıb. Əvəzində Teymur Rəcəbov ikinci taxtadan birinciyə keçib. Onun yerini isə Qədir Hüseynov tutub. Şəhriyar Məmmədyarov və Rauf Məmmədov isə əvvəlki kimi, müvafiq olaraq 3-cü və 4-cü taxtada mübarizə aparıblar.

Bakı vaxtı ilə saat 17:00-da start götürən qarşılaşmada milli komandamız asan qələbə qazanıb.

VII tur, 11 yanvar
Braziliya - Azərbaycan - 0,5:3,5

1. Covanni Veskovi (2660) - Teymur Rəcəbov (2733) - 0:1
2. Aleksandr Fier (2601) - Qədir Hüseynov (2614) - 0,5:0,5
3. Jilberto Milos (2618) - Şəhriyar Məmmədyarov (2741) - 0:1
4. Andre Diamant (2497) - Rauf Məmmədov (2640) - 0:1

Digər görüşlər:

Rusiya - Ermənistan - 2:2
Misir - Hindistan - 1,5:2,5
İsrail - Türkiyə - 1,5:2,5
Yunanıstan - ABŞ - 1,5:2,5

VI turdan sonra turnir cədvəli:
ABŞ 12 (18), Rusiya 11 (17,5), Azərbaycan 9 (17), Hindistan 9 (15), Ermənistan 8 (15), İsrail 7 (14,5), Yunanıstan 6 (14,5), Misir 3 (10,5), Türkiyə 3 (9,5), Braziliya 2 (9,5).

Komandamız sabah Yunanıstanla qarşılacaq.

• III Xankəndi Ultramarafonu: İlk mərhələnin qalibləri bəlli olub
• Azərbaycan və Rusiya milliləri Bakıda birgə toplanış keçir
• Bakı-Xankəndi Azərbaycan Velosiped Yarışının 2027-ci il tarixi açıqlanıb
• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO