Kanadanın Vankuver şəhərində keçirilən XXI Qış Olimpiya Oyunlarının təşkilatçıları yarışın məşəlinin kim tərəfindən yandırılacağını hələ də sirr kimi saxlamağa çalışır. Apasport.az saytının məlumatına görə, bu nüfuzlu vəzifənin kimin üzərinə qoyulacağı üzərində baş sındıran həmkarlarımız deyəsən axtardıqlarını tapıblar.

Şimali amerikalıların fikrincə, olimpiya məşəlini əfsanəvi Ueyn Qretski yandıracaq. Dünya hokkeyinin tarixinə adı qızıl hərflərlə yazılan veteran hazırda yarışların keçirildiyi Vankuverdədir. O, bu gecə keçiriləcək təntənəli açılış mərasimində məşəl yandırması ilə bağlı xəbəri təsdiqləməsə də, həmkarlarımız bunun inandırıcı olduğunu düşünür.

Qeyd edək ki, Qretski Milli Hokkey Liqasının tarixində az qala mümkün olan bütün rekordların sahibidir. O, keçirdiyi 1487 oyunda vurduğu qolların (894), məhsuldar ötürmələrin (1963), həmçinin topladığı xalların (2857) sayında heç kimin yaxınlaşa bilmədiyi nəticələrə imza atıb.

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib